Бүгін елорда әуежайында Қазақстан Республикасының эстетикалық топтық гимнастикадан құрама командасының мүшелерімен кездесу өтті

Біздің спортшы қыздар Малайзиядан оралды, онда олар Халықаралық эстетикалық топтық гимнастика федерациясының (IFAGG) қолдауымен өткен халықаралық MAGGA CUP турниріне қатысқан болатын.

Жарысқа 9 елден 389 спортшыдан құралған 59 команда қатысты.
Қазақстан намысын Астана, Алматы және Шымкент қалаларынан барған 11 команда қорғады – олар жоғары дайындық деңгейін және керемет нәтижелер көрсетті.

📌Ұзын бағдарлама
🔺Жасөспірімдер (14–16 жас) – 3-орын, Alem командасы, Шымкент қаласы
🔺12–14 жастағы балалар – 3-орын, Samruk Pre Junior командасы, Астана қаласы
🔺10–12 жастағы балалар – 2-орын, Blossom, Алматы қаласы, 3-орын, Future командасы, Алматы қаласы

📌Қысқа бағдарлама
🔺10–12 жастағы балалар – 1-орын, Symphony командасы, Алматы қаласы
🔺8–10 жастағы балалар – 1-орын, Fenix командасы, Астана қаласы

Алда — қараша айында Болгарияда өтетін Әлем чемпионаты.