Комитет төрағасы Руслан Есеналин триатлоннан Қазақстанның ұлттық құрамасымен кездесті

Қазақстан Республикасы Туризм және спорт министрлігі Спорт және дене шынықтыру істері комитетінің төрағасы Руслан Есеналин Бахрейнде өтіп жатқан III жасөспірімдер Азия ойындарында триатлоннан  ел намысын қорғап жатқан жасөспірімдер құрамасымен кездесті. Кездесуге Олимпиада чемпионы Ермахан Ибраимов та қатысты.

Төраға спортшыларға жылы лебізін білдіріп, олардың табандылығын, еңбекқорлығын және командалық рухын атап өтті. Сондай-ақ еліміздің мәртебесін арттырып, халықаралық аренада лайықты өнер көрсетіп жатқандары үшін алғысын білдірді.

Жастар арасында «суперспринт» жарысы бойынша күміс жүлдегер - Рамазан Айнеговты құттықтады.