Академиялық ескек есуден Қазақстан 2 жүлдеге қол жеткізді

Вьетнамның Хайфон қаласында өтіп жатқан академиялық ескек есуден ересектер арасындағы Азия чемпионатында Қазақстан қоржынына 2 медаль түсті.

🥈2000 метрге әйелдер арасында жеңіл салмақтағы 4 спортшы. Команда құрамы - Роза Кеңес, Мария Чернец, Екатерина Носкова, Ирина Чудина.

🥉2000 метрге ерлер арасында жеңіл салмақтағы спортшылар - Артём Матусевич.

Айта кетейік, ертең, 19 қазанда тағы финалдар өтеді. Биыл құрлықтағы 18 елден жиналған 232 ескек есу шебері жүлдеге таласып жатыр.

Былтыр Өзбекстанның Самарқан қаласында өткен Азия чемпионатында Қазақстан 2 күміс, 7 қола медальмен жалпыкомандалық есепте 7-орыннан көрінген.