Балалар спортын дамыту және инфрақұрылымдағы инвестиция

ҚР Президенті Қасым-Жомарт Тоқаев салауатты өмір салтын насихаттаудың және бұқаралық спортты, әсіресе балалар арасында дамытудың маңыздылығын атап өтті. Бүгінде елімізде 8,4 миллионнан астам адам жүйелі түрде спортпен айналысады, олардың ішінде 1,55 миллионнан астамы – балалар.

Мемлекеттік спорттық және шығармашылық тапсырыс аясында 240 мың бала 7 мыңға жуық секцияға тегін қатысып жүр. 2025 жылдан бастап алты қалада пилоттық ваучерлік қаржыландыру жүйесі енгізілді.
Соңғы бес жылда елімізде 371 спорт ғимараты пайдалануға берілді. 2025 жылдың бірінші жартыжылдығында тағы 32 нысан іске қосылды. Жыл соңына дейін 70 нысанның құрылысын аяқтау жоспарланып отыр. Олардың қатарында Астанадағы Ұлттық спорт университеті, Түркістандағы есу каналы және Қызылордадағы көпбейінді стадион бар.

Қазіргі уақытта Қазақстанда 28 футбол стадионы және 7,4 мыңнан астам балалар алаңы жұмыс істейді. Алдағы жылдары жергілікті бюджеттер мен инвестициялар есебінен жаңа стадиондар салынып, қосымша 667 балалар футбол алаңы пайдалануға берілмек.