20 наурызда Астанадағы инклюзивті спорт орталығында ерекше қажеттіліктері бар балалардың қатысуымен алғашқы инклюзивті асық ату турнирі өтеді.
Қазақстан бочча федерациясы мен Sport Culture қоғамдық бірлестігі бірлесіп ұйымдастырып отырған мәдени-спорттық іс-шарада қазақтың ұлттық дәстүрлері инклюзия және заманауи спорт тұрғысынан жаңаша ұсынылмақшы.
Турнирдің басты ерекшелігі – ірі асықтарды пайдалану. Олар мүмкіндігі шектеулі балаларға ыңғайлы болу үшін арнайы бейімделген. Жарыс басталар алдында қатысушылар асықтарды өздері бояп, оларды жеке ойын талисмандарына айналдырады.
Турнирден бөлек, қонақтар мазмұнды бағдарламаға қатысады: мерекелік дастарқан, халықтық ансамбльдің өнер көрсетуі, дәстүрлі ұлттық ойындар және басқа да іс-шараларлар қарастырылған.
Байланыс үшін:
+7 701 555 84 49
+7 777 077 77 88