«Ашық есік» күні

30 мамыр күні, Халықаралық балаларды қорғау күні қарсаңында «Arman-Asu» ат клубында қайырымдылық мақсатындағы «Ашық есік» күні өтті.

Бұл күні ипподромның қонақтары көпбалалы отбасылардан шыққан балалар болды. Балалар үшін танымдық экскурсия ұйымдастырылып, оның барысында олар жылқылармен танысып, оларды күтіп-баптау, ұстау және мінез-құлық ерекшеліктері туралы мағлұмат алды.

Балаларға ерекше қуаныш сыйлаған сәттердің бірі – атқа мініп серуендеу және жануарлармен жақын араласу мүмкіндігі болды. Іс-шара жылы әрі достық атмосферада өтіп, қатысушыларға көптеген жарқын эмоциялар мен ұмытылмас әсерлер сыйлады.

Осы игі шараны ұйымдастыруға атсалысып, балаларға шынайы мереке сыйлауға көмектескен барша жандарға шынайы алғысымызды білдіреміз.