Әлеуметтік қолдау шараларын тағайындау кезінде отбасылардың әл-ауқат деңгейін анықтаудың скориндік моделін енгізу туралы

2025 жылдың 27 тамызында «Балқаш қаласының жұмыспен қамту және әлеуметтік бағдарламалар бөлімі» ММ-і және «Балқаш қаласының білім бөлімі» ММ-і бірлесіп М.Хамзин атындағы металлургтер мәдениет сарайында Қазақстан Республикасында әлеуметтік көмектің скорингтік моделін енгізу бойынша халық арасында түсіндіру жұмыстары жүргізілді.

Жаңа модельдің жұмыс тетіктері туралы ақпаратпен қатысушылар алдында жұмыспен қамту және әлеуметтік бағдарламалар бөлімінің басшысы Жанат Казиевна Томпиева сөз сөйледі.

Скорингтік модель - бұл деректердің негізінде кімнің шын мәнінде мемлекеттік қолдауға мұқтаж екенін бағалауға мүмкіндік беретін құрал. Осындай жүйе бюджет қаражатын нақты көмекке мұқтаж жандарға бағыттай отырып, оны бөлудің атаулылығы мен тиімділігін арттырады.

Скорингтік моделіне көшуді апробациялау үшін, пилоттық жоба білім беру, халықты әлеуметтік қорғау және тұрғын үй қатынастары салаларында Қарағанды облысы және Шымкент қаласында жүзеге асырылуда.