«Көмек тренинг орталығы» филиалының ашылуында

Облыстық мәслихат депутаттары Петропавлдағы «Көмек тренинг орталығының» жаңа филиалының ашылу салтанатына қатысты.

«Көмек тренинг орталығы» түзету-дамыту орталығы 2015 жылы құрылды және қызмет еткен жылдарында өзін көптеген отбасылар үшін сенімді серіктес ретінде көрсетті. Орталықтың негізін қалаушы және жетекшісі Баязитова Ғалия Әкімбекқызы өмірінің 20 жылдан астам уақытын ерекше қажеттіліктері бар балаларға көмектесуге арнауда.

Орталықта дене шынықтыру, мінез-құлық терапиясы және психологиялық қолдау саласында озық технологияларды қолдана отырып, заманауи әдістемелер бойынша оқытылған білікті мамандар жұмыс істейді. Бұл ең өзекті талаптар мен стандарттарға сәйкес келетін жоғары сапалы көмек көрсетуге мүмкіндік береді. Орталықтың мамандары әр балаға жеке көзқарасты қамтамасыз етеді, түзету жұмыстарының бірегей бағдарламаларын әзірлейді, бұл олардың табысты әлеуметтенуіне және қоғамға интеграциялануына ықпал етеді.

Петропавлда жаңа филиалдың ашылуы балалар мен олардың отбасыларына кәсіби көмекке қолжетімділікті кеңейту жолындағы маңызды қадам болмақ.