Облыстық мәслихаттың кезекті 37 сессиясы өтті

Облыстық мәслихаттың сессиясында 2025 жылғы бюджеттің атқарылу қорытындылары қаралды. Облыс әкімінің орынбасары Қанат Дүзелбаев пен тексеру комиссиясының төрағасы Қайрат Сейітқожаев баяндама жасады. Олар негізгі қаржылық деректерді және қаражатты жұмсаудың басым бағыттарын ұсынды. Облыстық мәслихаттың тұрақты комиссиясының төрағасы Сәуле Сұрағанова бюджет қаражатының ашықтығы мен пайдаланылуын бақылау мәселесіне ерекше назар аударып, бұл қаржы тәртібін нығайтуға және азаматтардың билік органдарына деген сенімін арттыруға ықпал ететінін атап өтті. Бұдан әрі экономика басқармасының басшысы Наталья Дышкант өңірді дамытудың 2021-2025 жылдарға арналған жоспарын іске асыру туралы есепті ұсынды. Ол қол жеткізілген нәтижелерді атап өтті, қалған сын-қатерлер мен міндеттерді белгіледі, сондай-ақ облыстың экономикалық дамуына ықпал ететін негізгі жобаларды бөліп көрсете отырып, болашаққа арналған жоспарларды ұсынды.

Сессия барысында сумен жабдықтау жүйелерінен берілген ауыз судың бір текше метрі үшін төлемақы мөлшері бекітілді, оны беру жөніндегі қызметтердің құны субсидиялауға жатады. Бұдан басқа, мәслихат депутаттары облыс шегінде 2026-2030 жылдар кезеңіне қоршаған орта сапасының нысаналы көрсеткіштері туралы шешім қабылдады. Сондай-ақ, «Таза Қазақстан» экологиялық мәдениетін дамытудың 2024-2029 жылдарға арналған тұжырымдамасын іске асыру жөніндегі өңірлік жоспарға тиісті өзгерістер енгізілді.

Сессияда облыс әкімдігі жанындағы бірқатар ведомствоаралық комиссиялардың дербес құрамдарындағы өзгерістер қаралып, бекітілді.