Кезектен тыс сессия өтті

 

 

Солтүстік Қазақстан облыстық мәслихатының отызыншы кезектен тыс сессиясында сегіз мәселе қаралды.

Отырыс басталар алдында №13 бір мандатты аумақтық сайлау округі бойынша жаңа депутат Қанат Айтбаев таныстырылды. Ол ағымдағы жылдың 26 қазанында сайланды. Запастағы полиция полковнигі Қанат Киікбайұлы 1971 жылы Солтүстік Қазақстан облысында дүниеге келген және 1992 жылдан бастап ішкі істер органдарында қызмет еткен.

Күн тәртібіндегі бірінші мәселе 2025-2027 жылдарға арналған облыстық бюджетке енгізілген өзгерістерді талқылау болды. Қаржы басқармасының басшысы Қуанышбек Қалижанов баяндама жасады.

Сондай-ақ, өңірлік жалпы су пайдалану ережесі бекітілді. Бұл мәселе бойынша табиғи ресурстар және табиғат пайдалануды реттеу басқармасының басшысы Ерболат Бекшенов баяндады.

Бұдан басқа, облыстық мәслихаттың тұрақты комиссияларының құрамына, облыстық жер комиссиясының дербес құрамына, облыс әкімдігі жанындағы халықты жұмыспен қамту мәселелері жөніндегі өңірлік комиссия және қылмыстық жазаларды және өзге де қылмыстық-құқықтық ықпал ету шараларын орындайтын мекемелер мен органдардың қызметіне жәрдемдесу, сондай-ақ қылмыстық жазаларын өтеген адамдарға әлеуметтік және өзге де көмекті ұйымдастыру бойынша консультациялық-кеңесші органның құрамдарына өзгерістер енгізілді.

Барлық мәселелер алдын ала тұрақты комиссиялардың бірлескен отырысында талқыланды. Сессия қорытындысы бойынша тиісті шешімдер қабылданды.