СҚО әкімі аралда қалған Прибрежное ауылына барды

Облыс әкімі Ғауез Нұрмұхамбетов тасқын салдарынан  аралға айналған Прибрежное ауылында болып, бөгетті нығайту жұмыстарын тексерді. Қатты жел мен биік толқындарға қарамастан, бөгет су қысымына төтеп беріп тұр. 

Құтқарушылар, әскерилер мен жергілікті атқарушы органдардың өкілдері тәулік бойы жұмыс істеуде. 

"Олардың қиын жағдайдағы жанқиярлық еңбегі зор құрметке лайық. Біз тұрғындардың қауіпсіздігін қамтамасыз ету және инфрақұрылымды сақтау үшін барлық қажетті шараларды қабылдап жатырмыз. Жағдай бақылауда", -деп жазды өңір басшысы әлеуметтік желіде.