СҚО-да жылыту маусымына дайындық басталды

СҚО әкімі Ғауез Нұрмұхамбетовтың басшылығымен облыс әкімдігінің отырысы өтіп, онда алдағы жылыту маусымына дайындық мәселелері талқыланды.

Биыл «СЕВКАЗЭНЕРГО» ЖЭО-2 жөндеу жұмыстарына 17,6 млрд теңге бөлді. Бұл қаржыға 4 қазандық мен 3 турбоагрегатты күрделі жөндеу және қайта жаңарту, сондай-ақ мұржаны жөндеу жүргізіледі. Жаңа мұржаның құрылысы жүріп жатыр.

«СК РЭК»  402 шақырым электр желісін және 54 қосалқы станцияны жөндеуді және қайта құруды жоспарлап отыр.

«Көкшетау Энерго» 1070 шақырым электр желісі мен 186 қосалқы станцияны жөндейді.

«Петропавл жылу желілері» 7 шақырым жылу желілеріне жөндеу және қайта жаңарту жұмыстарын жүргізеді. Екі жылу магистралінің құрылысы да аяқталады.

Облыста бюджеттік ұйымдардағы 151 қазандықты ауыстыру жоспарлануда.

Облыс әкімі Ғауез Нұрмұхамбетов жауапты мемлекеттік органдарға жоспарланған барлық жұмыстарды мерзімінде аяқтап, алдағы жылу беру маусымының үздіксіз өтуіне толық дайындықты қамтамасыз етуді тапсырды.