СҚО 101 жастағы ардагерді мерекемен құттықтады

Облыс әкімі Айдарбек Сапаров соғыс ардагері Валентина Архиповна Волкодавты көктем мерекесімен құттықтады.

Ғасыр-адам қазір 101 жаста. Валентина Архиповна 19 жасында майданға аттанды. Соғыс жылдарында Беларусь және Украина майдандарында көпір салу отрядында қызмет етті. Әскери жасақтар көпірлер мен өткелдер салды. Соғыста Волгадан Берлинге дейін өтті. «Берлинді алғаны үшін», «Варшаваны азат еткені үшін», «Беларусьті азат еткені үшін» медальдары, сондай-ақ ІІ дәрежелі Ұлы Отан соғысы ордені бар. Соғыстан кейін Целиноградтағы керамикалық зауытта есепші болып жұмыс істеді. 30 жылдан бері Петропавлда тұрады.

«Валентина Архиповнаға зор денсаулық, отбасына амандық, балалары мен немерелерінің күн сайын қуанта беруіне тілектестік білдірдім», — деп жазды өңір басшысы Айдарбек Сапаров.