СҚО әкімі Айдарбек Сапаров әлеуметтік желіде алғашқы жазбасын жариялады

«Қымбатты жерлестер! Бүгін Солтүстік Қазақстан облысының әкімі қызметіне тағайындалдым. Зор сенім білдірген Мемлекет басшысы Қасым-Жомарт Кемелұлы Тоқаев пен қолдау танытқан облыстық мәслихат депутаттарына алғыс білдіремін. Өзімнің туған жерімде адал еңбек етіп, облысты дамытуға бар күш-жігерімді саламын. Президент өңірдегі экономикалық және әлеуметтік саланы дамыту бойынша үлкен міндеттер қойды. Біздің басты мақсат – тұрғындардың әл-ауқатын жақсарту. Осы бағытта бірлесіп жұмыс жасайтын боламыз», — деп жазды Айдарбек Сапаров Фейсбук пен Телеграмда жарияланған постта.