СҚО-да алғаш рет орман өрттерінен қорғауға арналған арнайы өрт сөндіру кешендері сатып алынды

Биыл өңірдегі орман шаруашылықтарының материалдық-техникалық базасы шамамен 4 миллиард теңгеге жаңартылды.

Жұмыс тиімділігін арттыру және қызметкерлердің еңбек жағдайын жақсарту мақсатында облыста алғаш рет 27 шағын орман өрт сөндіру кешені сатып алынды. Сонымен қатар, материалдық-техникалық база едәуір нығайтылды: 29 өрт сөндіру көлігі, 51 дөңгелекті трактор, 19 дрон, 180 үрлегіш құрылғы және 60 мотоцикл алынды.

«Өңірде орманды қорғау, сақтау және қалпына келтіру жұмыстарын 12 орман шаруашылығы атқарып отыр. Олардың қарамағында 550 мың гектар орман қоры бар.Техниканың жаңартылуы орман қызметтерінің өрт қаупі жоғары маусымға дайындығын арттырып, жұмыс тиімділігін жеделдетеді.»,- деді өңір басшысы.