Петропавл қаласында су бұру арнасы құрылысының барлық кезеңдері аяқталуға жақын

Жұмыстар Заречный кентінде биылғы жылдың басында басталған болатын, ұзындығы - 4,8 шақырымды құрайды. Биылғы тасқын уақытында арнаның  тиімділігі  көрінді. 

Бүгінгі таңда үш су өткізу құрылысының құрылысы толық аяқталуға жақын. Олардың екеуі бау-бақша аумақтарына кедергісіз қатынауды қамтамасыз етсе, үшіншісі электр жеткізу желісін қызмет көрсетуге арналған.

Одан бөлек, қыркүйек айында «Жемчужная весна» бау-бақша серіктестігінің тұрғындары  өңір басшысының жеке қабылдауы барысында жолдардың жағдайын жақсарту жөнінде өтініш білдірген болатын. Қазіргі уақытта қалпына келтіру жұмыстары жүргізілуд, қарашаның 10-на дейін толық аяқталмақ.