Облыс әкімі Мемлекеттік кірістер департаментінің жаңа басшысын таныстырды

ҚР  Қаржы министрінің бұйрығымен Аманжол Жомартұлы Жақанов Солтүстік Қазақстан облысы бойынша Мемлекеттік кірістер департаментінің басшысы болып тағайындалды.

Аманжол Жомартұлы 1974 жылы туған, Қостанай облысының тумасы.

1995 жылы Қостанай ауыл шаруашылығы институтын экономика және АӨК саласын басқару мамандығы бойынша, 2000 жылы Заманауи гуманитарлықуниверситетті юриспруденция мамандығы бойынша тамамдаған.

Әр жылдарда Салық комитетінің Қостанай облысы бойынша басқармасының бөлім басшысы, басқарма басшысы, Қостанай облысы бойынша Салық департаменті басшысының орынбасары, Батыс Қазақстан және Қостанай облыстары бойынша Мемлекеттік кірістер департаментінің басшысы болып қызмет етті.

Осы тағайындауға дейін Аманжол Жомартұлы Ақтөбе облысы бойынша Мемлекеттік кірістер департаментінің басшысы болып қызмет етті.