🎓 СҚУ түлектеріне диплом салтанатты түрде табыс етілді

Бүгін  орталық алаңда ҚР Сенаты төрағасының орынбасары Ольга Перечечина және СҚО әкімі Ғауез Нұрмұхамбетовтың қатысуымен М. Қозыбаев атындағы СҚУ-дың үздік түлектеріне "Samgau 2025" дипломдарын тапсыру салтанаты өтті. Өңір басшысы жас мамандарды өмір жолындағы маңызды кезеңмен құттықтап, оларға жарқын кәсіби болашақ тілеп, туған өңірдің дамуына үлес қосуға шақырды. Табыстау рәсіміне белгілі азаматтар Анатолий Башмаков, Самал Есләмова және басқалары қатысты.  Бүгінде мемлекет жастардың әлеуетін жүзеге асыру үшін барлық жағдайды жасауда: заманауи зауыттар мен фабрикалар ашылып жатыр, креативті орталықтар сияқты бірегей алаңдар құрылуда, үйлер мен әлеуметтік нысандар салынуда.

 

"Биыл университетті 1,5 мың түлек тамамдады, оның ішінде 300-ден астамы оқуды үздік аяқтады. Аризона университетімен халықаралық әріптестік белсенді дамып келеді. Ерекше мақтаныш — Kozybayev University-дің әлемдік беделді рейтингтердің біріне енуі. Бұл – оқытушылар, студенттер және университет ұжымының еңбегінің нәтижесі. Олар бұл табысты тарихтың бір бөлігіне айналды. Түлектерге алға қойған мақсаттарына нық сеніммен қадам басып, ата-ана үмітін ақтап, еліміздің жарқын болашағына үлес қосуға тілек білдіремін!", - деп атап өтті облыс әкімі.