СҚО су айдындарындағы қауіпсіздікті дрондар бақылайды

Облыста шомылу маусымына дайындық аясында су айдындарындағы қауіпсіздік шаралары күшейтілуде. Облыстық әкімдікте өткен отырыста тұрғындардың судағы қауіпсіздігін қамтамасыз ету мәселелері қаралды.

 

Ресми демалыс орындары:

▪️ Облыс бойынша 13 су айдынында 60 ресми демалыс орны белгіленді.

 

Құтқару қызметтерінің дайындығы:

▪️ ТЖД күштері мен құралдары толық дайындыққа келтірілді.

▪️ 25 жүзу құралы дайындалды, олардың қатарында гидроцикл, «Марлин» көпфункционалды катері, 2 металл қайық, 6 үрлемелі қайық және 17 қайық моторы бар.

 

Қауіпсіздік шаралары:

▪️ Құтқарушылар Пестрое көлінде тәулік бойы кезекшілік етеді және Есіл өзенінің қауіпті учаскелерін бақылайды.

▪️Есіл өзенінде  модульдік капсулалық станция орнатылады.

▪️Ауа райы ыстық болған жағдайда, ең қауіпті су айдындарында қосымша 5 мобильді пост орналастырылады.

▪️Рейдтер барысында ескерту үшін дауыс зорайтқыштар мен бейнекамералармен жабдықталған дрондар белсенді қолданылуда.

 

Облыс әкімі Ғауез Нұрмұхамбетовтің тапсырмалары:

▪️ Қауіпті және жабдықталмаған су айдындарында тыйым салатын және ескерту белгілері мен ақпараттық стендтер орнату.

▪️ Жабдықталмаған су айдындарында мобильді посттардың кезекшілігін ұйымдастыру.

▪️ Су айдындарында жабдықталған жаппай демалыс орындарының санын арттыру бойынша жұмыстар жүргізу.