Жамбыл ауданы Троицкий ауылдық округінің Троицкое ауылында өрт сөндіру бекетінің ашылуы

Жергілікті атқарушы органдардың мемлекеттік өртке қарсы қызмет органдары жоқ елді мекендерде өрт сөндіру бекеттерін құру жөніндегі іс-шаралар шеңберінде 2021 жылдың 16 маусымында Жамбыл ауданы Троицкий ауылдық округінің Троицкое ауылында аудан әкімі — Марат Мәкенұлы Ескендіровтың, «Нұр Отан» партиясы аудандық филиалы төрағасының бірінші орынбасары — Владимир Ильич Волковтың, Троицкий ауылдық округінің әкімі — Әуез Смаилұлы Темешевтің, жұмылдыру дайындығы, аумақтық қорғаныс, азаматтық қорғау және төтенше жағдайлар жөніндегі бас маман – Сергей Вячеславович Шевелевтың қатысуымен өрт сөндіру бекеті ашылды. Өрт сөндіру бекеті директоры — Ғали Минайдарұлы Құсайынов болып табылатын «Мак» ЖШС базасында ашылды.

Бұл өрт сөндіру бекеті ауданда — алтыншы, ол халық саны 563 адам болатын 2 елді мекенге қызмет көрсететін болады. Өрт сөндіру бекеттерінің санын арттыру жалғасатын болады, өйткені халықты төтенше жағдайлардан қорғау жергілікті атқарушы органдардың ажырамас міндеті болып табылады.