Аудан әкімдігінің отырысы

Аудан әкімі Азамат Бектасовтың төрағалығымен 2025 жылғы 31 қазанда аудан әкімдігінің отырысы өтті. Кеңеске ауылдық округтердің әкімдері, бөлімдер мен аумақтық ұйымдардың басшылары қатысты.

Отырыста аудандық маңызы бар автомобиль жолдарын қысқы кезеңде пайдалануға дайындау және мүгедектігі бар адамдарды әлеуметтік қызметтер порталы арқылы оңалтудың қызметтерімен және техникалық құралдарымен қамтамасыз ету мәселелері талқыланды.

Отырыс барысында қысқы кезеңде жол-көлік желісінің үздіксіз және қауіпсіз жұмысын ұйымдастыру жергілікті өзін-өзі басқару органдарының басым міндеттерінің бірі болып табылатыны атап өтілді. Қарды уақтылы тазарту мәселелеріне ерекше назар аударылды.

Азаматтарды онлайн-қызметтерді алу мүмкіндіктері туралы белсенді ақпараттандыру және өтінімдердің уақтылы орындалуын бақылау қажеттілігі атап өтілді.

Осы тапсырмалардың орындалуын бақылау аудан әкімінің жетекшілік ететін орынбасарларына жүктелген.