Аудан әкімдігінің отырысы

Аудан әкімі Азамат Бектасовтың төрағалығымен 2025 жылдың 30 қыркүйегінде аудан әкімдігінің отырысы өтті. Кеңеске ауылдық округтердің әкімдері, бөлімдер мен аумақтық ұйымдардың басшылары қатысты.

Отырыста әлеуметтік сала және коммуналдық шаруашылық объектілерінің 2025-2026 жылдардағы жылу беру маусымына дайындығы және Қарттар мен мүгедек адамдарды әлеуметтік қолдау айлығын өткізуге дайындық мәселелері талқыланды.

Жылу көздерінің үздіксіз жұмысын қамтамасыз ету, жөндеу жұмыстарын уақтылы аяқтау, сондай-ақ қажетті отын қорларының болуы қажеттілігіне ерекше назар аударылды. Бұдан басқа, азаматтардың жеке қажеттіліктерін ескере отырып, әлеуметтік қолдау айлығы шеңберінде іс-шараларды ұйымдастыру кезінде ведомствоаралық өзара іс-қимылдың маңыздылығы атап өтілді. Белгіленген іс-шаралардың орындалуын бақылау аудан әкімінің жетекшілік ететін орынбасарларына жүктелген.