«Облыстық көп бейінді балалар ауруханасы» ШЖҚ КМК кәсіпорын басшысының бос лауазымына конкурс жариялайды

Кәсіпорын денсаулық сақтау саласында өндірістік-шаруашылық қызметін жүзеге асырады. Кәсіпорынның мекенжайы: 150007, СҚО, Петропавл қаласы, Пушкин көшесі, 23, тел. 8(7152) 46-43-27, 46-48-13, mdob_zdrav@sqo.gov.kz
Үміткерлерге қойылатын талаптар: «Денсаулық сақтау» дайындық бағыты бойынша жоғары білім және «Қоғамдық денсаулық сақтау», «Денсаулық сақтау менеджменті» мамандығы бойынша қайта даярлау туралы куәлік және (немесе) тиісті мамандық бойынша біліктілік санаттарын беру туралы куәлік немесе «Денсаулық сақтау» және (немесе) «Бизнес, басқару және құқық» дайындық бағыты бойынша жоғары білім немесе «Денсаулық сақтау» және (немесе) «Бизнес және құқық» дайындық бағыты бойынша жоғары оқу орнынан кейінгі білім немесе ЕМВА немесе full time (Фултайм) дәрежесі; денсаулық сақтау саласындағы менеджер сертификатының болуы; денсаулық сақтау саласындағы басшылық лауазымдардағы жұмыс өтілі кемінде 3 жыл;
Үміткер осы хабарландыру жарияланған сәттен бастап күнтізбелік 15 күн ішінде келесі құжаттарды электрондық түрде мына электрондық пошта мекенжайына ұсынады: mdob_zdrav@sqo.gov.kz
1) конкурсқа қатысу туралы өтініш;
2) еркін нысанда жазылған өмірбаян;
3) білім туралы құжаттардың көшірмелері;
4) еңбек кітапшасының (бар болған жағдайда) немесе еңбек шартының көшірмесі, еңбек шартын қабылдау және тоқтату туралы бұйрықтардан үзінді көшірме не жұмыс өтілін растайтын басқа құжат;
5) «Денсаулық сақтау саласындағы есепке алу құжаттамасының нысандарын, сондай-ақ оларды толтыру жөніндегі нұсқаулықтарды бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген 075/е нысаны бойынша денсаулық жағдайы туралы анықтама;
6) Қазақстан Республикасы Бас прокуратурасының Құқықтық статистика және арнайы есепке алу комитетінің соттылығының жоқтығы туралы анықтамасы.
Конкурсқа қатысуға ниет білдірген адамдар конкурс жариялаған кәсіпорынға құжаттарды қабылдау аяқталған күнге дейін хабарландыруда көрсетілген электрондық пошта мекенжайына электрондық түрде құжаттарды ұсынады.
Құжаттардың түпнұсқалары әңгімелесу басталғанға дейін бір сағаттан кешіктірілмей ұсынылады. Олар ұсынылмаған жағдайда, тұлға әңгімелесуден өтуге жіберілмейді.
Конкурсқа қатысушы оның біліміне, жұмыс өтіліне, кәсіптік даярлық деңгейіне қатысты қосымша ақпаратты (біліктілігін арттыру, ғылыми дәрежелер мен атақтар беру туралы құжаттардың көшірмелері, ғылыми жарияланымдар, сондай-ақ алдыңғы жұмыс орнынан ұсынымдар) ұсына алады.
Кәсіпорын басшысының бос лауазымына орналасуға конкурс 2025 жылғы «18» шілде сағат 11.00-де Петропавл қаласы, Пушкин көшесі, 23, каб.311 мекенжайы бойынша өткізіледі.
Анықтамалар үшін телефон: 46-48-13.