Қаңғыбас жануарлардың санын реттеу мәселелері жөнінде дөңгелек үстел өткізілді

2025 жылғы 15 желтоқсанда Солтүстік Қазақстан облысы әкімдігінің ветеринария басқармасы қаңғыбас жануарлардың санын реттеу және оларға жауапкершілікпен қарау мәселесі жөнінде дөңгелек үстел өткізді. 

Іс-шараға құқық қорғау органдарының өкілдері, Петропавл қаласы әкімдігінің қызметкерлері, сондай-ақ жануарларға жауапкершілікпен қарау саласындағы қоғамдық инспекторлар қатысты.  

Дөңгелек үстел барысында өзекті мәселелер, оларды шешу жолдары, ведомствоаралық өзара іс-қимыл және жануарларға жауапкершілікпен қарау саласындағы заңнама талаптарын сақтау мәселелері талқыланды.  

Кездесу қорытындысы бойынша қатысушылар қаңғыбас жануарлардың санын реттеуге кешенді түрде және ізгілікпен қараудың, сондай-ақ мемлекеттік органдар мен жұртшылықтың бірлесіп жұмыс атқаруының маңыздылығын атап өтті.