Марапатта үздіктерге

Бүгін, 15 желтоқсанда Қазақстан Республикасының Тәуелсіздік күніне арналған Солтүстік Қазақстан облысының аумақтық кәсіподақтар ұйымы үйлестіру кеңесінің кеңейтілген отырысында түрлі салалардағы үздік кәсіподақ белсенділері, соның ішінде білім беру саласының өкілдері марапатталды.

Салтанатты отырысты ашқан ТОП-ның баспасөз хатшысы Е.Е.Нұрақаев қатысушыларды мерекемен құттықтап, іс-шараға қатысушылардың барлығына табыс тіледі.

Еңбек сіңірген марапаттарға кәсіподақ белсенділері, әлеуметтік әріптестер, облыстың кәсіподақтарының барлық салаларынан ие болды.

«Кәсіподақтар қозғалысына 120 жыл» мерекелік медаліне Жарқынбаев Д.Т. - Шал Ақын  аудандық комитет филиалының төрағасы ие болды.

Марапаттау рәсімін салалық кәсіподақтардың төрағалары жалғастырды.

Білім беру саласының кәсіподақ белсенділерін Солтүстік Қазақстан облыстық ғылым, ағарту қызметкерлері кәсіподақ комитетінің төрағасы Б.Е.Аюпов марапаттады.

«Әлеуметтік әріптестікті дамытуға қосқан үлесі үшін» кеуде белгісімен әлеуметтік әріптестікті нығайтқаны үшін Шал Ақын ауданының білім беру бөлімінің басшысы Бұлбұл Ахмадиқызы марапатталды.

«Кәсіподақ ардагері» салалық кәсіподағының төсбелгісімен Петропавл қаласының педагогикалық еңбек ардагері Александр Александрович Кузурман марапатталды.

Республикалық салалық кәсіподақтың Алғыс хатымен

Мағжан Жұмабаев ауданының Успенский негізгі мектебінің техникалық инспекторы Дмитрий Юрьевич Журбенко марапатталды.

"Баршаңызды мерекемен құттықтаймын! Баршаңызға мықты денсаулық, еңбекте табыс тілеймін.

Менің еңбегімді жоғары бағалағаны үшін кәсіподаққа алғысымды білдіремін, мен және менің әріптестерім зейнеткерлер, біздің мектептеріміздің кәсіподақ ұйымдары тарапынан ұдайы қамқорлық пен назарды сезінеміз." - деді еңбек ардагері А.А. Кузурман.

Марапатталғандардың барлығын Еңбек Адамының игілігі жолындағы қызметтерін лайықты бағалаумен құттықтаймыз!

Әркімнің белсенді азаматтық ұстанымы, кәсібилігі және өз ісіне адалдығы кәсіподақ қозғалысын нығайтады және дамытады.