Балаларды ерте қолдау қызметі

Білім басқармасы инклюзивті ортаны дамыту және ерте жастағы балаларға арналған сапалы түзету-дамыту қызметтерінің қолжетімділігін кеңейту бойынша жүйелі жұмысты жалғастыруда. Осы жұмыс аясында Петропавл қаласының «№ 1 психологиялық-педагогикалық түзету кабинеті» КММ базасында «Дара»  қайырымдылық қорының көмегімен ерте қолдау қызметі ашылды.

Кабинеттің ашылуы білім басқармасының психологиялық-педагогикалық қолдау ұйымдарының желісін нығайтуға және балалардың даму ерекшеліктерін дер кезінде анықтауға бағытталған нысаналы саясатының маңызды нәтижесіне айналды. Ерте қолдау қызметінің арқасында отбасылар баланың табысты дамуы үшін шешуші маңызы бар ерте кеңес беру және түзету көмегін алуға мүмкіндік алады.

Жұмыс пәнаралық форматта ұйымдастырылады: дефектолог-мамандар, психологтар, логопедтер және ерте даму педагогтері балалар мен ата-аналарға кешенді қолдау көрсетеді.

Бұл түзету көмегінің нәтижелілігін арттыруға және ерте араласуды қажет ететін отбасылардың қамтылуын кеңейтуге мүмкіндік береді.

Білім басқармасы «Дара» қайырымдылық қорына серіктестік қолдауы мен аймақтың инклюзивті инфрақұрылымын дамытуға қосқан үлесі үшін ризашылығын білдіреді. Мұндай жобалардың жүзеге асырылуы әр баланың тең мүмкіндіктерін қамтамасыз етуге бағытталған мемлекет пен қоғамдық ұйымдардың өзара әрекеттесуінің маңыздылығын дәлелдейді.