2022 жылғы 24 қаңтарда Солтүстік Қазақстан облысы әкімінің орынбасары Т.С. Сұлтанғазиевтің төрағалығымен СҚО әкімдігінің жұмыспен қамтуды үйлестіру және әлеуметтік бағдарламалар және СҚО әкімдігінің мемлекеттік еңбек инспекциясы басқармаларының 2021 жылғы жұмыс қорытындылары мен 2022 жылға арналған міндеттері туралы алқа отырысы өтті.

ZOOM режимінде өткен алқа отырысына халықты әлеуметтік қорғау мәселелеріне жетекшілік ететін аудандар мен Петропавл қаласы әкімдерінің орынбасарлары, әкімдердің мүгедектік істері жөніндегі кеңесшілері, медициналық-әлеуметтік мекемелердің директорлары, жұмыспен қамту және әлеуметтік бағдарламалар бөлімдерінің басшылары, халықты жұмыспен қамту орталықтарының директорлары қатысты.

Алқа отырысы барысында еңбек тәуекелдері картасын іске асыру және өндірістік жарақаттануды талдау, кәсіподақ ұйымдарының әлеуметтік әріптестермен өзара іс-қимылы, жұмыссыз азаматтарды, оның ішінде жұмыс күші артық өңірлерден қоныс аударушыларды жұмысқа орналастыру, ісін жаңа бастаған кәсіпкерлердің бизнесін дамыту үшін жағдай жасау, аз қамтылған отбасыларды қолдау және мүгедек адамдарды оңалту құралдарымен қамтамасыз ету, сондай-ақ арнаулы әлеуметтік қызметтер көрсету бөлігіндегі мәселелер қаралды.

Алқа отырысының қорытындысы бойынша облыс әкімінің орынбасары бірқатар тиісті тапсырмалар берді.