«TEN QOGAM» ӘЛЕУМЕТТІК ҚОЛДАУ ОРТАЛЫҒЫ АШЫЛДЫ

Солтүстік Қазақстанда 26 мыңнан астам мүгедек тұрады. Оларға жан-жақты көмек қажет. Тиісінше мүмкіндігі шектеулі жандарға әлеуметтік қолдау көрсететін «Тең қоғам» орталығы өз жұмысын бастады. Толығырақ тілші баяндайды.

Зарина Арсланованың жасы 25-те. Мүмкіндігі шектеулі келіншек бүгінде 2 жасар баласымен жалдамалы пәтерде тұрады. Тұрмыс жағдайы мәз емес. Орталықтың ашылғанын естіген азаматша хабарласып көмек сұрады.

ЗАРИНА АРСЛАНОВА, 1 ТОПТАҒЫ МҮГЕДЕК:

• Менің арманым өз пәтеріме қол жеткізу. Бірақ қайда барып, қандай құжат жинау керек екенін білмеймін. Осында келіп көмек сұрадым. Маған барынша көмектесмеміз деді.

 «Тең қоғам» орталығында заңгер, психолог тағы да басқа сала мамандары жұмыс істейді. Олар мүгедек жандардың қалыпты өмірге бейімделуіне, белгілі бір салаға қатысты сұрақтарына жауап алуына көмектеседі. Мысалы жұмысқа орналасу, тұрғын үй кезегіне тұру сынды мәселелерде кеңестер беріп, арнайы тренингтер мен шеберлік сағаттарын өткізіп отырады.

АҚЖАН КӘРІМ - «TEN QOGAM» МҮГЕДЕКТЕРДІ ӘЛЕУМЕТТІК ЖАҒЫНАН ҚОЛДАУ ОРТАЛЫҒЫНЫҢ ЖЕТЕКШІСІ:

• Мүгедек жандарға жан-жақты қолдау көрсету керек. Олар өздерінің құқықтарын немесе жасалынып жатқан жеңілдіктер жайында біле бермейді. Одан қалды жұмысқа орналасу, тұрғын үй кезегіне тұру немесе білім алу, кәсіп үйрену мәселелері бойынша ақпарат ала алмай қиналып жатады. Біз аталмыш орталықта оларға жоғарыда аталған сұрақтар бойынша ақпарат береміз, көмектесеміз.

Облыс орталығынан алшақ ауалдарда тұратын мүгедек жандар үшін What’sApp, Telegram әлеуметтік желілері арқылы онлайн консультациялар жүргізіледі.