Қазақстан Республикасы Президентінің «Бас жүлдесі» «Ақ-Ниет-Агро және К» ЖШС-ға берілді.

2025 жылғы 5 желтоқсанда Астана қаласында  Мемлекет басшысының, Үкімет мүшелерінің, Қазақстан Республикасы Парламенті депутаттарының қатысуымен бизнестің әлеуметтік жауапкершілігі жөніндегі «Парыз» республикалық конкурсының лауреаттарын марапаттау рәсімі өтті. 

Ағымдағы жылы «Парыз» конкурсына республиканың 500-ге жуық кәсіпорны қатысты, оның ішінде  облысымыздың жеке кәсіпкерлік субъектілерінен 32 өтінім келіп түсті.

Қазақстан Республикасы Президентінің «Бас жүлдесі» «Ақ-Ниет-Агро және К» ЖШС-ға (Ақжар ауданы, директоры – Шәпенов Ғиззат Мұхамедиярұлы) берілді.

«Қос ағаш» ЖШС (Мамлют ауданы, директоры - Белоусов Андрей Николаевич) шағын және орта бизнес субъектілері арасында «Үздік ұжымдық шарт» номинациясы бойынша 2-орынды иеленді.

Екі кәсіпорынға да лауреаттар дипломы және естелік мүсіншелер табысталды.