«Әлеуметтік қорғау жүйесінің үздік қызметкері және үздік әлеуметтік жоба» республикалық конкурсының жеңімпаздарына құрмет көрсетілді

Астана қаласында Әлеуметтік қорғау жүйесі қызметкерлерінің күніне орай өткен «Әлеуметтік вектор: кәсібилік, құрмет, цифрлық болашақ» атты халықаралық форум аясында «Әлеуметтік қорғау жүйесінің үздік қызметкері және үздік әлеуметтік жоба» республикалық конкурсының жеңімпаздарына құрмет көрсетілді.

Форумға конкурстың өңірлік турының мынадай номинациялар бойынша жеңімпаздары қатысты:

«Арнаулы әлеуметтік қызмет көрсету орталығының үздік әлеуметтік қызметкері» – Жанғалова Оксана Булатқызы, «Айыртау әлеуметтік қызмет көрсету орталығы» КММ қызметкері;

«Үйде қызмет көрсету ұйымының үздік әлеуметтік қызметкері» – Қантарова Әлия Әбдіреқызы, «Солтүстік Қазақстан облысы Жамбыл ауданы әкімдігінің жұмыспен қамту және әлеуметтік бағдарламалар бөлімі» КММ қызметкері;

«Үздік мемлекеттік әлеуметтік инспектор» – Құсайынова Сәуле Төлегенқызы, «Қазақстан Республикасы Еңбек және халықты әлеуметтік қорғау министрлігінің Халықты әлеуметтік қорғау саласындағы реттеу және бақылау комитетінің Солтүстік Қазақстан облысы бойынша департаменті» РММ қызметкері;

«Медициналық-әлеуметтік сараптаманың үздік қызметкері» - Сыздықова Әйгерім Дулатқызы, «Қазақстан Республикасы Еңбек және халықты әлеуметтік қорғау министрлігінің Халықты әлеуметтік қорғау саласындағы реттеу және бақылау комитетінің Солтүстік Қазақстан облысы бойынша департаменті» РММ қызметкері;

«Үздік әлеуметтік педагог» – Окунева Любовь Ивановна, «Петропавл балалар әлеуметтік қызмет көрсету орталығы» КММ қызметкері;

«Еңбек мобильділігі орталығының (Мансап орталығының) үздік қызметкері» – Нұрмақанов Руслан Темірбекұлы, «Ғ. Мүсірепов атындағы ауданның Мансап орталығы» филиалының қызметкері.

«Үздік әлеуметтік жоба» - «Мой ребенок» ҚБ.

Форум қорытындысы бойынша қатысушылар Қазақстан Республикасының Еңбек және халықты әлеуметтік қорғау министрі Светлана Қабыкенқызы Жақыпованың алғыс хатымен марапатталды.