«Еңбек жолы – 2025» өңірлік конкурсының қорытындысы

Қазақстан Республикасының Еңбек және халықты әлеуметтік қорғау министрлігі жыл сайын Елбасының «Қазақстанның әлеуметтік жаңғыртылуы: Жалпыға Ортақ Еңбек қоғамына қарай жиырма қадам» бағдарламалық мақалалары аясында «Еңбек жолы» конкурсын өткізеді.

 

Аталған конкурс жастарды еңбекке құрметпен қарауға тәрбиелеу, еңбек әулеттерін сақтау және көбейту, сондай-ақ өндіріс қызметкерлерін насихаттау мақсатында ең үздік еңбек әулеттерін және өндірістегі үздік жұмысшыларды анықтауға бағытталған. Конкурс «Жалпыға Ортақ Еңбек қоғамы» аясында Еңбек адамының мәртебесін арттыруға және еңбек өнімділігін ынталандыруға ықпал етеді.

 

Осы жылдың 1 мамыры мен 1 шілдесі аралығында конкурсқа қатысуға үміткерлерден өтінімдер қабылданды.

 

Барлығы облыстың аудандары мен Петропавл қаласының жұмыс берушілерінен 26 өтінім түсті:

• «Үздік еңбек әулеті» номинациясы бойынша – 4;
• «Жұмысшы жастардың үздік тәлімгері» номинациясы бойынша – 11;
• «Өндірістің үздік жас жұмыскері» номинациясы бойынша – 11.

 

«Еңбек жолы – 2025» өңірлік конкурсына қатысушылардың материалдарын қарастырып, конкурстың ережелерін басшылыққа ала отырып, комиссия облыстық кезеңнің жеңімпаздарын бекітті:

 

«Үздік еңбек әулеті» номинациясы бойынша:

1 орын – Зуевтер әулеті, «Москворецкое» ЖШС, Тимирязев ауданы;

2 орын – Зозуля әулеті, «СевКазЭнерго» АҚ, Петропавл қ.;

3 орын – Маликовтар әулеті, «Мәдениет үйі» МКҚК, Есіл ауданы.

 

«Жұмысшы жастардың үздік тәлімгері» номинациясы бойынша:

1 орын – Кабошева А.Н., («С.М. Киров атындағы зауыт» АҚ, Петропавл қ.);

2 орын – Бактубаев М.М., («Петропавл ауыр машина жасау зауыты» АҚ, Петропавл қ.);

3 орын – Пыжова А.В., («BioOperations» ЖШС, Тайынша ауданы).

 

«Өндірістің үздік жас жұмыскері» номинациясы бойынша:

1 орын – Құнанбаев Н.Б., («Солтүстік Қазақстан тарату электржелілік компаниясы» АҚ, Петропавл қ.);

2 орын – Сапарғалиев А.Ж., («С.М. Киров атындағы зауыт» АҚ, Петропавл қ.);

3 орын – Дурнев Р.Н., («Петропавл жылу желілері» ЖШС, Петропавл қ.).

 

Конкурстың облыстық кезеңінің әрбір номинациясы бойынша жеңімпаздардың құжаттары «Еңбек жолы» республикалық кезеңіне қатысу үшін ҚР Еңбек және халықты әлеуметтік қорғау министрлігіне жолданды.