«Жібек жолы» базарында діни материалдарды таратуға қатысты жауапкершілік түсіндірілді

18 маусым күні Конфессияаралық қатынастарды талдау және дамыту орталығының қызметкерлері «Жібек жолы» базарының қызметкерлерімен бірқатар профилактикалық жеке түсіндіру жұмыстарын жүргізді.

Іс-шара қатысушыларына Солтүстік Қазақстан облысы әкімдігінің 2021 жылғы 8 қаңтардағы №1 «Діни әдебиетті және діни мазмұндағы өзге де ақпараттық материалдарды, діни мақсаттағы заттарды таратуға арналған арнайы стационарлық үй-жайларды орналастыру туралы» қаулысының ережелері түсіндірілген ақпараттық брошюралар таратылды.

Орталық қызметкерлері діни әдебиеттерді, сондай-ақ діни мазмұндағы өзге де ақпараттық материалдарды (сувенирлік өнімдер, күнтізбелер және т.б.) және діни мақсаттағы заттарды (иконалар, тәспілер және т.б.) таратуға тек ғибадат ғимараттарында (құрылыстарында), рухани (діни) білім беру ұйымдарында, сондай-ақ облыстардың, республикалық маңызы бар қалалардың және астананың жергілікті атқарушы органдары арнайы айқындаған өзге де стационарлық үй-жайларда ғана жол берілетінін еске салды.

Сонымен қатар, іс-шараға қатысушыларға Қазақстан Республикасының діни қызмет және діни бірлестіктер саласындағы заңнамасының нормалары, сондай-ақ оларды бұзғаны үшін көзделген жауапкершілік түсіндірілді.