Полиция департаменті қызметкерлеріне арналған оқыту семинары

28 наурыз күні Конфессияаралық қатынастарды талдау және дамыту орталығы Солтүстік Қазақстан облысы Полиция департаментінің экстремизмге қарсы іс-қимыл басқармасымен бірлесіп, өңірлік Полиция департаментінің қызметкерлеріне арналған семинар өткізді.

Іс-шара қызметкерлердің діни сауаттылық деңгейін арттыруға, сондай-ақ зайырлы мемлекет қағидаттарын тұрақты түсінуді қалыптастыруға бағытталды. Кездесу барысында қатысушыларға Қазақстан Республикасының діни қызмет саласындағы заңнамасының негізгі ережелері түсіндіріліп, конфессияаралық келісімді қамтамасыз ету және қоғамдық тұрақтылықты нығайту мәселелері қарастырылды.

Сондай-ақ әртүрлі дүниетанымдар мен конфессия өкілдеріне құрметпен қарау, мемлекеттің қоғамдық тәртіпті қамтамасыз етудегі және деструктивті идеологиялардың таралуының алдын алудағы рөліне ерекше назар аударылды.