Діни экстремизмнің алдын алу: мемлекеттік қызметшілерге арналған семинар

17 желтоқсан күні Қазақстан Республикасының Стратегиялық жоспарлау және реформалар агенттігі Ұлттық статистика бюросының Солтүстік Қазақстан облысы бойынша департаментінде «Қазақстан Республикасының дін саласындағы заңнамалық жағдайы» тақырыбында ақпараттық-түсіндіру семинары өткізілді.

Іс-шара барысында қатысушыларға «Діни қызмет және діни бірлестіктер туралы» Қазақстан Республикасының заңнамасының негізгі ережелері және оны бұзғаны үшін жауапкершілік шаралары түсіндірілді. Семинарда ерекше көңіл діни экстремизмнің профилактикасына және мемлекеттік қызметшілер арасында деструктивті ағымдардың идеологияларына қарсы тұрақты иммунитет қалыптастыру мәселелеріне бөлінді.

Семинар барысында қатысушылар белсенділік танытып, дін саласындағы заңнаманы қолдану және ықтимал құқықбұзушылықтарға әрекет ету шаралары туралы сұрақтар қойды. Мұндай іс-шаралар құқықтық сауаттылықты арттыруға және мемлекеттік қызметте зайырлы принциптерді нығайтуға ықпал етеді.