Уәлиханов ауданының аумағында өрт сөндіру бекеттерінің қатысуымен практикалық жаттығулар өткізілді

Өрт және басқа да төтенше жағдайлар туындаған кезде жеке құрамның жедел іс-қимылдарға дайындығын арттыру мақсатында өрт сөндіру бекеттерінің қатысуымен практикалық оқу-жаттығулар өткізілді.
Іс-шара барысында жеке құраммен өрт қауіпсіздігі талаптарын сақтау, өрт анықталған кездегі іс-қимыл тәртібі, шұғыл қызметтерді уақтылы хабардар ету, сондай-ақ төтенше жағдайларды жою кезінде өзара іс-қимылды ұйымдастыру мәселелері бойынша түсіндіру сұхбаты өткізілді.
Жаттығудың практикалық бөлігі өрт сөндіру машинасы мен сорғы жабдықтарының жұмысын көрсетуді қамтыды. Қатысушыларға сорғыны іске қосу, өрт жеңдері арқылы су беру тәртібі, сондай-ақ өрт техникасы мен өрт-техникалық қару-жарақты пайдаланудың негізгі ережелері айқын көрсетілді.
Шартты өрт ошағын сөндіру кезіндегі іс-қимылдарды тәжірибелік пысықтауға ерекше назар аударылды.

Өткізілген оқу-жаттығулар қатысушылардың кәсіби даярлық деңгейін арттыруға, практикалық дағдыларды жетілдіруге, өрт сөндіру бекеттері арасындағы өзара іс-қимылды нығайтуға және ықтимал төтенше жағдайларға жедел ден қоюға дайындығын арттыруға ықпал етті.
Алынған білім мен дағдылар өрттердің алдын алу және жою, сондай-ақ Қызмет көрсетілетін объектілер мен аумақтарда өрт қауіпсіздігі деңгейін арттыру жөніндегі міндеттердің неғұрлым тиімді орындалуын қамтамасыз етуге мүмкіндік береді.