Қытайлық инвестициялық топтың сапары

Қытайлық инвестициялық топтың сапары: аграрлық әріптестікке бағытталған қадам.

«Sichuan Supply and Marketing Investment Group» делегациясы ауданымызға жұмыс сапарымен келді.

Бұл компания – агроөнеркәсіп кешені саласында маманданған Қытайдың жетекші инвестициялық құрылымдарының бірі.

Кездесудің негізгі мақсаты – өзара ынтымақтастық мүмкіндіктерін талқылау және жаңа астық элеваторы мен май зауытын салу жобасын іске асыру мәселелерін қарастыру болды.

Сапар аясында аудан әкімдігінде іскерлік кездесу өтті. Онда ауданның әлеуметтік-экономикалық дамуы және ауыл шаруашылығы саласының әлеуеті таныстырылды.

Қытайлық тарап өз компаниясының қызметін таныстырып, негізгі бағыттарға тоқталды: инвестициялар, активтерді басқару, цифрлық шешімдер және логистика.

Сондай-ақ делегация «Астық Орда Север» ЖШС жұмысымен танысып, өндірістік нысандарды аралады, астық сақтау және өңдеу технологиялық үдерістерін көрді. Жобаны жаңғырту және бірлесіп жүзеге асыру перспективалары талқыланды.

Компания өкілдері болашақтағы ынтымақтастыққа қызығушылық білдіріп, Қазақстанның аграрлық саладағы стратегиялық серіктес ретіндегі маңыздылығын атап өтті.