Тимирязев ауданы әкімінің Москворецк ауылдық округінің тұрғындарымен кездесуі
Аудан әкімінің халықпен тұрақты кездесулерін өткізу аясында, Москворецкое ауылында кезекті кездесу өтті.
Кездесу барысында аудан әкімі бірінші тоқсандағы әлеуметтік-экономикалық даму көрсеткіштерімен таныстырып, алдағы кезеңге арналған басым бағыттарды атап өтті. Атап айтқанда, абаттандыру, жол инфрақұрылымы және көше жарықтандыру мәселелеріне ерекше назар аударылды.
Ауыл тұрғындары ішкі ауыл жолдарын жөндеу, көше жарықтандыру және абаттандыру бойынша ұсыныстарын білдірді. Барлық көтерілген мәселелер бақылауға алынды.