Солтүстік Қазақстанның ең әдемі көлдері

Солтүстік Қазақстан облысында көлдер өте көп — қазір оларды көрудің немесе жағасында демалудың нағыз уақыты.

Үлкен Тораңғыл көлі

Солтүстік Қазақстандағы ең қолайлы демалыс орындарының бірі. Бұл - облыс орталығына жақын орналасқан үлкен көл. Мұнда жабдықталған да, жабдықталмаған да аймақтар бар. Көл айтарлықтай таяз, тез қызады және үлкен жағажайы бар.

Көлдің орналасуы оған бірнеше жағынан жетуге мүмкіндік береді: бір жағынан күн батысын, екінші жағынан күн шығысын тамашалай алуға болады.

Имантау көлі

Бұл қазіргі таңда облысымыздың ең танымал көлдерінің бірі. Бұл бекер емес, өйткені мұнда орман, төбелер бар, оның ауданы өте үлкен. Дегенмен, көл облыс орталығынан шалғайдағы Айыртау ауданында орналасқан.

Меңкесер көлі

Ащы-тұзды Меңкесер көлінің емдік қасиеттерін аңыз қылады. Ғалымдардың пікірінше, оның құрамы Өлі теңізге және Ресейдің Қорған облысындағы Медвежье көліне жақын. Тұзды су көптеген тері ауруларын емдейді, псориаз барысын жеңілдетеді, зат алмасуын жақсартады, теріні сау және әдемі етеді. Биыл мұнда ақылы жағажай — шатырлары бар демалыс аймақтары, ұйықтайтын орындар, душ, киіз үй және кафе салынды.

Табиғатқа ұқыпты қарау, жануарлар мен өсімдіктер әлемінің қоршаған ортасына қамқорлық пен сүйіспеншілік таныту маңызды. Әр азаматтың міндеті - қоршаған ортаның ластануына жол бермеу, әр адам табиғатта демалғаннан кейін артынан қоқысын жинап алуға міндетті.

Көлдер мен су айдындарының тазалығын сақтау үшін жыл сайын «Таза су айдындары» акциясы өткізіледі. Күш-жігерінің арқасында азаматтар табиғатта өз артынан жинастыру сияқты қарапайым әрекеттің өзі қоршаған ортаның сұлулығын сақтай алатындығына көз жеткізді.

«Орлиногор орман шаруашылығы»
КММ Чкалов орманшылығы
құрылымдық бөлімшесінің басшысы
Р. А. Сәкенов