Омбы облысының орман шаруашылығы Бас басқармасы өкілдерімен кездесу
2026 жылғы 25 ақпанда Солтүстік Қазақстан облысында Омбы облысы орман шаруашылығы Бас басқармасының бастығы В. В. Девятериков бастаған делегация Солтүстік Қазақстан облысының орман өсірушілерімен шекара маңындағы аумақтарда өрт қауіпсіздігі шараларын қамтамасыз ету мәселелері бойынша кездесу өткізді.
Омбы делегациясының болуы барысында:
- Булаев орман шаруашылығы» КММ жұмысымен орман өрт сөндіру станциясына барумен танысу;
- «Қызылжар ағашы» ЖШС ламинатталған фанера өндіру кәсіпорнының басшылығымен кездесу;
- ұзақ мерзімді орман пайдалануға берілген «GreenPark» отбасылық паркінің рекреациялық аумағымен танысу;
- Петропавл қаласындағы «Аграрлық үйде» бірлескен кеңесте кездесуге қатысушылармен шекара маңындағы аумақтарда өрт қауіпсіздігін қамтамасыз ету мәселелерін талқылау.
Тараптар өзара іс-қимыл алгоритмдерін, алдын алу шараларын және шекара маңындағы аймақтағы өрт қаупіне бірлесіп ден қоюды егжей-тегжейлі талқылады.
Келіссөздердің басты нәтижесі қол жеткізілген уағдаластықтарды ресми бекіту болды. Бағдарлама шеңберінде «Омбы облысының Бас басқармасы мен Солтүстік Қазақстан облысы әкімдігінің табиғи ресурстар және табиғат пайдалануды реттеу басқармасы арасындағы аумақта трансшекаралық өрттердің алдын алу жөніндегі жұмысты үйлестіруге бағытталған ұйымдастыру іс-шараларын өткізу жоспарына» қол қойылды.
Қызметтер мен өңірлер арасындағы тиімді ынтымақтастық жедел ақпаратпен уақтылы алмасуға, күштер мен құралдарды үйлестіруге, сондай-ақ табиғи өрттердің туындау және таралу тәуекелдерін азайтуға мүмкіндік береді.
Бұл кездесу - бүкіл шекаралас аймақтың экологиялық және өрт қауіпсіздігін қамтамасыз етудегі маңызды қадам.