Солтүстік Қазақстан облысының орман шаруашылықтары бойынша 2025 жылғы өрт қауіпті маусымының қорытындысы

2025 жылғы өрт қауіпті маусымы басталғанға дейін орман шаруашылықтары бойынша өртке қарсы техника мен жабдықтар жауынгерлік әзірлікке келтірілді, өрт сөндірушілер, диспетчерлер және т. б. саны жасақталды.

Рейдтік іс-шаралар жоспарына сәйкес ормандарды патрульдеу маршруттары бекітілді, мобильді топтар мен орман өрттерін сөндіру басшыларының құрамы қалыптастырылды, өртке қарсы іс-шараларды өткізу жоспарлары әзірленді, өрт қауіпті маусымға орман өрттерінің алдын алу және сөндіру жөніндегі құралдар дайындалды.

Облыс аумағындағы өрт жағдайының мониторингі орман күзетімен жерүсті патрульдеу, сондай-ақ өрт-бақылау мұнараларынан және «Орман күзетшісі» орман қорына интерактивті бейнемониторинг жүйесінен жүзеге асырылды.

2025 жылы Солтүстік Қазақстан облысының аумағында басқарманың қарамағындағы мемлекеттік орман қоры жерінде жалпы ауданы 9,89 гектар алаңында 4 орман өрті тіркелді.

Қабылданған алдын алу және ұйымдастыру шаралары өрттің едәуір аудандарға таралуына және орман өрттерінің ірі аудандарға өтуіне жол бермей, өрт ошақтарын уақтылы анықтауға және жедел жоюға мүмкіндік берді. Барлық тіркелген өрттер бастапқы кезеңде жойылды. Барлық жағдайлар бойынша тексерулер жүргізілді, қолданыстағы заңнамаға сәйкес шаралар қабылданды.

Өрт қаупі бар маусым бойы орман қоры аумағында ормандарда 1 015 рейд жүргізілді.

Орман қорына қауіп төндіретін 29 өрт тіркелді, олар уақтылы жойылды және оқшауланды. Мемлекеттік орман күзетінің қызметкерлері өрт қауіпсіздігі ережелерін бұзғаны үшін 37 хаттама толтырды, 1 157,5 мың теңге сомасына 37 әкімшілік айыппұл салынды, 100% өндіріп алынды.

2025 жыл ішінде орман өрттерімен күресудің мынадай алдын алу шаралары жүргізілді:

• минералданған жолақтардың құрылысы 993,5 км;
• минералданған жолақтарға күтім жасау 26 902 км.

88 мақала жарияланды, теледидардан 6 сөз сөйледі, 3 904 парақша таратылды, өрт қауіпсіздігі мәселелері бойынша 526 дәріс өткізілді. Автомобиль жолдарының бойында байланыс телефондары көрсетілген 1080 ақпараттық аншлаг қойылды, шаруашылық жүргізуші субъектілерге 647 жадынама берілді.

Орман өрттерінің алдын алу және алдын алу жөніндегі іс-шаралар тұрақты негізде жүргізіледі.