Солтүстік Қазақстан облысында бокстан облыстық чемпионат өтуде

Солтүстік Қазақстан облысында жылдағы ең маңызды жарыстардың бірі – бокстан облыстық чемпионат басталды. Жарыс Камиль Сафин атындағы бокс мектебінде өтіп жатыр. Бірнеше күн бойы бұл зал спортшылардың, жаттықтырушылардың және жанкүйерлердің басын қосатын спорт орталығына айналды.

Чемпионатқа 2008–2009 жылы туған елуге жуық ұлдар мен қыздар қатысуда. Жарыстар сегіз салмақ дәрежесінде өтеді. Әр жекпе-жек – бұл күрес пен төзімділіктің шағын тарихы. Жас былғары қолғап шеберлері үшін бұл турнир – өз шеберлігін дәлелдеу, мінезін көрсету және спорттық арманға қадам басудың үлкен мүмкіндігі.

Чемпионаттың басты мақсаты – Солтүстік Қазақстан облысының құрама командасын жасақтау. Бұл команда кейін республикалық жарыстарда өңір намысын қорғайды. Сондықтан әрбір кездесудің маңызы ерекше: әр спортшы барын салып, өз орнын иеленуге ұмтылады.

Жарысты ұйымдастыруда және спортшыларды дайындауда бапкерлердің еңбегі зор. Олар шәкірттерін тек физикалық тұрғыдан ғана емес, моральдық жағынан да шыңдайды. Камиль Сафин атындағы бокс мектебіндегі бұл чемпионат – жай ғана медаль үшін жарыс емес, бұл – спорттық өмірдің бір мектебі, жасөспірімдерді төзімділікке, қарсыласын құрметтеуге және нағыз спорт рухына тәрбиелейтін маңызды кезең.

Жекпе-жектер 26 қыркүйекке дейін жалғасады. Барлық қала тұрғындары мен қонақтарын қатысушыларды қолдап, қызықты сайыстарды тамашалауға шақырамыз. Кіру тегін. Жанкүйерлер шынайы спорт мерекесінің куәсі болып, болашақ чемпиондарды көру мүмкіндігіне ие болады.

Бүгінде бокс Солтүстік Қазақстан облысының спорт өмірінде ерекше орын алады. Облыста 40 бапкер жұмыс істейді, олар 998 жас спортшыны тәрбиелеуде. Дәл осы жастардың арасынан болашақта өңірді республикалық және халықаралық ареналарда танытатын жаңа чемпиондар өсіп шығады.