Солтүстік Қазақстандық боксшы Наталья Богданова – әлем чемпионы

Ағылшынның Ливерпуль қаласында бокс бойынша әлем чемпионаты аяқталды, онда Қазақстан атынан сегіз финалист өнер көрсетті. Олардың бірі – Солтүстік Қазақстан облысының 26 жастағы спортшысы Наталья Богданова, ол 70 кг дейінгі салмақ санатында алтын медаль жеңіп алды.

Шешуші кездесуде Богданова австралиялық Лекеша Перголитимен кездескен. Бастапқы сәттен бастап қазақстандық спортшы үстемдік көрсетті: бірінші раундты судьялар бір ауыздан 5:0 есебімен Натальяға берді. Екінші раундта да Богданова белсенді шабуылдарын жалғастырды және артықшылығын сақтады, ал үшінші раундта өз басымдылығын толықтай көрсетті. Нәтиже – судьялардың бір ауыздан шешімі бойынша жеңіс.

Бұл Наталья үшін ересектер арасындағы алғашқы титул болды. Бұған дейін оның қоржынына IBA чемпионатынан қола медаль түскен. Спортшыны жеке бапкері Дастан Кабденов дайындайды. Айта кетерлігі, Перголитимен олар бұған дейін де кездескен – 2025 жылы Астанада өткен Әлем кубогының кезеңінің финалында, онда да жеңіс Богданованың еншісінде болған.

Солтүстік Қазақстан облысының әкімі чемпионды құттықтап, оның аймақ атынан әлемдік деңгейде осындай зор жетістікке жеткен алғашқы спортшы екенін атап өтті.
«Наталья Қазақстанның намысын абыроймен қорғады және өз есімін облыс спортының тарихына жазып қалдырды. Біз оның жетістігіне мақтанамыз және одан әрі жеңістер тілейміз», – деді өңір басшысы.

Осылайша, Ливерпульдағы әлем чемпионатында Қазақстандық боксшылар алтын медальдарға ие болды:

Алуа Балкибекова – алтын

Махмуд Сабырхан – алтын

Санжар Ташкенбай – алтын

Аида Абикеева – алтын

Наталья Богданова – алтын

Торехан Сабырхан – алтын

Айбек Оралбай – алтын