МАҢЫЗДЫ

Бүгінгі таңда мемлекеттік қызметтегі әдеп қоғамның мемлекеттік органдардың жұмысына деген сенімін қалыптастыруда шешуші рөл атқарады. Мемлекеттік қызметшілер саны шамамен 99 адамды құрайтын ауданымыздың шеңберінде этикалық қағидаттар әрбір қызметкердің кәсіби қызметінің негізі болып табылады.
2023 жылдың қорытындысы бойынша Әдеп жөніндегі уәкілге Қазақстан Республикасының Мемлекеттік қызмет, сыбайлас жемқорлыққа қарсы іс-қимыл саласындағы заңнамасы мен Әдеп кодексінің талаптарын сақтау мәселелері бойынша 55 мемлекеттік қызметшіге жеке консультациялық көмек көрсетілді. Сонымен қатар, азаматтардың 38 жеке қабылдауы өткізілді.
Осы кезеңде мемлекеттік қызметшілерден қызметтік әдеп нормаларын бұзу фактілері бойынша 2 өтініш түсті. Нәтижесінде қызметтік әдеп нормаларын бұзуға жол берген мемлекеттік қызметшілердің жауапкершілігін қарау туралы ұсыныспен тиісті лауазымды тұлғаларға 2 материал жіберілді. Екі мемлекеттік қызметші тәртіптік жауапкершілікке тартылды.
Сонымен қатар, түсіндіру жұмыстарына көп көңіл бөлінді. Есепті кезеңде Әдеп жөніндегі уәкіл 24 семинар мен дәріс өткізді, сондай-ақ ауданның ауылдық округтеріне 24 шығу жүзеге асырылды.
Осы іс-шаралардың барлығы мемлекеттік қызметшілер арасында әдеп санасын арттыруға және мемлекеттік органдар жұмысында әдеп стандарттарын сақтау мәдениетін қалыптастыруға бағытталған.
Қабылдау кестесі: апта сайын жұма күндері сағат 11.00-ден 12.00-ге дейін.
Алдын ала жазылу телефоны: +7 71534 2-12-47