Нейрожелімен қалай достасуға болады және сені оқу үшін қалай жазу керек?
Әлем тек GPT чатымен ғана шектелмейді. Бүгінгі таңда ақысыз қызметтер өте көп. Олар жайында СҚО ҚХА Журналистер клубына «Табысты контент құпиялары» атты тренингте сертификатталған жобалық менеджер, бизнес-трекер, «GROW KZ» ҚҚ төрағасы, әлеуметтік кәсіпкерлік бойынша сарапшы, нейрондық желілер бойынша сарапшы Зульфия Тухватуллина айтып берді. Сапалы мәтіндер, презентациялар, тіпті иллюстрациялар, бейнелер мен музыканы жасау – бірнеше минуттық іс. Бірақ ЖИ құралдарын қолданатын әрбір адам бұл панацея емес, жақсы көмекші екенін естен шығармаған жөн.
Кездесуге қатысушылар атап өтті: «Мен, робот» фильмінің көрінісі осы жерде орынды, онда басты кейіпкер машинаға ол симфония құруға немесе бос кенепті жауһарға айналдыруға қабілетті ме деген сұрақ қояды. Нейрондық желілер, әрине, тырысады. Бірақ мұнда жауап әрқашан тек жалғыз – жоқ, мүмкін емес.
Журналистер клубы мүшелерінің айтуынша, нейрондық желілер шығарған мәтіндер оңай анықталады. Әсіресе, алгоритмдер олақ қолданылған кезде, ал студенттер мұндайда қателеседі. Солтүстік Қазақстан университетінің «Журналистика және әлеуметтік ғылымдар» кафедрасының оқытушысы, редактор және жергілікті, республикалық БАҚ тілшісі Павел Притолюк GPT теріс пайдаланатын айлакерлердің бет пердесін қалай ашу керектігі туралы сөз етті.
Ол сонымен қатар «төңкерілген пирамида принципі» журналистік материалдарын дайындауда қолдану бойынша шеберлік сабағын өткізді. Бұл кәсіби медианың маңызды құралы: барлық маңызды ақпарат материалдың жоғарғы жағында және ортасында, өзектілігі аздау фактілер төменгі жағында болуы керек. Спикер әдісті ескі жақсы ертегілерде қолдануға үйренуді ұсынды. Мәселен, Күлшеқыз туралы әңгіме жаңалықтар сюжеті үшін толыққанды дикторлық ақпаратқа айналады:
«Ол тек кебісін қалдырып қашып кетті. Патшалық тұрғындары байқау кешіндегі жанжалды талқылауда. Көпшілік арасынан ханзада өзіне әлеуетті жарды таңдады. Алайда, түн ортасына таман қыз қамалдан қашып кетті. Бүкіл елде жұмбақ сұлуды іздеу жарияланды, ал қашқын қыздың суреті де, бейнесі де қалмады, болашақ монархтың сүйіктісін қандай өлшемдер бойынша анықтамақ, бұл жайында біздің тілшіміз айтады».
Семинарға қатысушылар атап өткендей, жалпы алғанда, заманауи медиа үнемі жетілдіру үстінде, сондықтан дәстүрлі әдістерді инновациялық әдістермен үйлестіре білу маңызды.
Павел Притолюк
СҚО ҚХА Журналистер клубы төрағасының орынбасары