СҚО-да Қазақстан Республикасы Тәуелсiздiгiнiң 30 жылдығына арналған Жастар форумының қорытындысы шығарылды

Жеңiмпаздарды салтанатты марапаттау Петропавл қаласындағы С. Мұқанов атындағы облыстық кiтапханада өттi.

Марапаттау рәсiмiн СҚО әкiмдiгi iшкi саясат басқармасы басшысының орынбасары Асқар Қайыржанұлы Баймұқанов ашты. Одан әрi өткiзiлген конкурстар туралы сараптамалық пiкiрлерiмен келесi спикерлер бөлiстi: Workout бойынша облыстық қозғалыстың жетекшiсi — Сафонов Никита; кәсiби бишi, Brоoklyn мектебiнiң хип-ХОП биi бойынша тренерi, фитнес-тренер Сергей Жамалиев; Алия Молдахметова — суретшi-абстракционист, Петропавл қаласының Назарбаев Зияткерлiк мектебiнiң өнер оқытушысы.

Воркаут, граффити, хип-хоп дэнс, киберспорт және тик-токерлер шайқасы. Осы 5 бағыт бойынша облыстық жастар форумы аясында байқаулар өткiзiлдi. Финалдық кезеңге 190 солтүстiкқазақстандық қатысты. Жеңiмпаздар номинациялар бойынша дипломдармен және цифрлық техника дүкенiне 50, 70 және 100 мың теңгеге сертификаттармен марапатталды, қалған қатысушыларға естелiк сыйлықтар табыс етiлдi.

5 бағыт бойынша жеңiмпаздарды марапаттау рәсiмiнiң алдында форум қатысушыларына конкурстардың соңғы кезеңдерiн өткiзу қорытындыларының бейне-презентациясы ұсынылды.

Мысалы, қатысушылар Оксана мен Анастасия Леонтьева өздерiнiң шығармашылық жолын бала кезiнен бастады. Олар барлық сезiмдердi кенепке "төгiп", биде эмоцияларды бiлдiредi. Оған мұғалiм конкурсқа қатысуды ұсынды. Олар мектеп сахнасында жиi өнер көрсетiп, Тиктокер шайқасында өздерiн сынап көрудi шештi.

"Бiз 2 күн түсiрген бейненi ұсындық. Байқау елiмiздiң Тәуелсiздiгiнiң 30 жылдығына орайластырылғандықтан, бiз ұлттық бидi таңдадық. Бiздiң күш — жiгерiмiздiң бекер болмағаны қуантады", — дедi байқауға қатысушы Оксана Леонтьева.

Жалпы, жастар форумы аясында өткен конкурстар облыс жастары арасында шығармашыл жастарды анықтауға, патриоттық тәрбие беруге, салауатты өмiр салтын және субмәдениеттi қалыптастыруға бағытталған.