Студенттер үшiн онлайн-лекторий өткiзiлдi

М.Қозыбаев атындағы Солтүстiк Қазақстан университетiнiң «Қазақстан халқы Ассамблеясы» кафедрасының студенттерi үшiн онлайн-лекторий өткiзiлiп, кәрiс этносының мәдениетi мен тарихымен танысты.

Кафедра меңгерушiсi Л.А.Гривенная iс-шараны ұйымдастыру бойынша айтарлықтай жұмыс жүргiздi. Белгiлi және беделдi қоғам қайраткерлерi шақырылды. Олардың арасында Солтүстiк Қазақстан облысының Достық үйiнiң өкiлдерi де болды. «HANGUG QAZAQSTAN» қоғамдық бiрлестiгiнiң төрағасы Алексей Хан және «Қоғамдық келiсiм» КММ қызметкерi Евгений Ким өмiрлiк тәжiрибесiмен және бiлiмдерiмен бөлiстi.

Дәрiске қатысушыларға «кәрiс» сөзiнiң этимологиясы, тегiнiң шығу тегi, менталитетi және кәрiстердiң дәстүрлi дiни нанымдары, ұлттық мерекелер, салт-дәстүрлер, сондай-ақ ерекшелiктерi туралы ақпарат берiлдi.

Дәрiс барысында Қазақстандағы кәрiс этносы өкiлдерiнiң пайда болу тарихына, Қазақстан кәрiстерi Қауымдастығының, мемлекеттiк академиялық кәрiс театрының, «Коре ильбо» кәрiс газетiнiң қызметiне және Петропавл қаласындағы №17 ұлттық өркендеу мектеп-кешенiнiң кәрiс ұлттық бөлiмiнiң жұмысына ерекше назар аударылды.

Дәрiске қатысушылардың кәрiс тiлiн үйрену мүмкiндiгi, академиялық ұтқырлық, таэквондо жауынгерлiк өнерiн түсiну және кәрiс тағамдарын дайындау құпиялары туралы сұрақтары мен басқа да сұрақтар ұсынылған тақырыптың өзектiлiгiн растады.

Қалыптасқан дәстүр бойынша Достық үйiнде кәрiс тiлiн оқыту бойынша жазғы мектеп өткiзу жоспарлануда. Евгений Ким бiлiм алушылардың құрамы әр түрлi этностардың 25 өкiлiне дейiн жететiнiн атап өттi.

«HANGUG QAZAQSTAN» қоғамдық бiрлестiгi — Достық үйiнде өткiзiлетiн iс-шаралардың белсендi қатысушысы.

Бұған дейiн «Қазақстан халқы Ассамблеясы» кафедрасы «Халықтану» жобасы аясында осындай дәрiстердi белорус және қырғыз этностарының тарихымен, дәстүрлерiмен және мәдениетiмен таныстыруға арнаған болатын.