Мемлекеттік рәміздер бойынша семинар

№ 28 жалпы білім беретін мектепте  «Қазақстан Республикасының мемлекеттік рәміздерін пайдалану және қолдану қағидалары туралы» тақырыбында оқыту семинары өтті.

Іс-шараға қатысушылар: жалпы білім беретін мектеп директорлары, мектепке дейінгі ұйым меңгерушілері, сондай-ақ тәрбие ісі жөніндегі директорлардың орынбасарлары.

Семинар спикері ретінде Солтүстік Қазақстан облысы әкімдігінің Ішкі саясат басқармасының қоғамдық-саяси жағдайды талдау және мониторинг бөлімінің басшысы Гүлмира Жамабайқызы Садырова сөз сөйледі.

Семинар барысында Қазақстан Республикасының Мемлекеттік Туын, Мемлекеттік Елтаңбасын және Мемлекеттік Әнұранын пайдалану тәртібін реттейтін заңнама нормалары, сондай-ақ оларды білім беру ұйымдарында орналастыру және қолдану талаптары жан-жақты түсіндірілді.

Мемлекеттік рәміздерге құрметпен қарауды қалыптастыру, құқықбұзушылықтардың алдын алу және оларды дұрыс қолданбағаны үшін жауапкершілік мәселелеріне ерекше назар аударылды.

Қатысушылар практикалық ұсыныстар алып, білім беру ұйымдарының қызметінен алынған өзекті мысалдарды талқылады және өздерін қызықтырған сұрақтарға жауап алды.

Осындай іс-шараларды өткізу білім беру ұйымдары басшыларының құқықтық сауаттылығын арттыруға, азаматтық жауапкершілікті нығайтуға және өскелең ұрпақты патриоттық рухта тәрбиелеуге ықпал етеді.