Солтүстік Қазақстан облысының барлық аудандарында және Петропавл қаласында «Заң мен тәртіп» идеологиясын ілгерілету тұжырымдамасын және «Қауіпсіз қала» жобасын іске асыру шеңберінде «Нашақорлыққа жол жоқ!» атты кезекті есірткіге қарсы акция өтті.

Акцияның мақсаты - есірткі құқық бұзушылықтарының алдын алу, есірткі граффитилерінің таралуына қарсы іс-қимыл жасау, сондай-ақ халықты есірткі құралдарын заңсыз айналымға енгізудің және тұтынудың құқықтық салдары туралы ақпараттандыру.

Акция облыс прокуратурасының үйлестіруімен, Полиция департаменті, жергілікті атқарушы органдар, коммуналдық қызметтер, жастар және волонтерлік ұйымдар өкілдерінің, сондай-ақ студенттердің  қатысуымен өтеді.   Бірлескен күш-жігер арқылы ведомствоаралық өзара іс-қимылдың және қоғамдық қауіпсіздікті қамтамасыз етуде азаматтық қоғамның қатысуының маңыздылығы атап өтілді.

Соңғы екі жылда өңірде 2000-нан астам есірткі граффитиі анықталып, жойылды, наркодүкендердің қызметіне байланысты 1500-ден астам интернет-ресурс бұғатталды. Ағымдағы жылдың басынан акция өткізілген күнге дейін 150 интернет-ресурс бұғатталып, 19 есірткі граффитиі жойылды, 2500-ден астам ақпараттық брошюра таратылды.

Прокуратура қоғамда есірткіге тұрақты түрде жағымсыз көзқарас қалыптастырудың және заңдылық пен құқықтық тәртіп қағидаттарын нығайтудың маңыздылығын атап өтеді. Азаматтарды «жеңіл табыс» туралы хабарландыруларға ермеуге және есірткі жарнамасы анықталған барлық жағдайлар туралы, оның ішінде әлеуметтік желілерде де, құқық қорғау органдарына дереу хабарлауға шақырады.

Облыс аумағында есірткі құқық бұзушылықтарының алдын алу және есірткі граффитилерінің таралуын тоқтату бағытындағы жұмыс жалғасатын болады.