Студенттерге «Закладчики. Мать.» фильмінің көрсетілімі ұйымдастырылды

Солтүстік Қазақстан облысында «Заң және тәртіп» республикалық идеологемасын іске асыру жалғасуда. Бүгін Петропавл қаласындағы Байкен Ашимов атындағы машина жасау және көлік колледжінде «Заң және тәртіп» идеологемасын ілгерілету аясында СҚО Жастар ресурстық орталығының мамандары «Закладчики. Мать.» деректі фильмінің көрсетілімін ұйымдастырды.

Фильм заңның құндылығы, жауапкершілік және бір ғана шешім адамның өз өмірін ғана емес, оның жақындарының тағдырын да қалай өзгерте алатыны туралы ойлануға жетелейді. Көрсетілімнен кейін студенттермен талқылау өтті. Жастар өз пікірлерімен белсенді бөлісіп, құқықтық сауаттылықтың маңыздылығы, құқық бұзушылықтың алдын алу және дер кезінде дұрыс таңдау жасаудың қаншалықты маңызды екені туралы айтты.

Фильм көрсетілімінен кейін іс-шара панельдік пікірталас форматында жалғасты. Талқылауға қаладан шамамен 120–130 студент қатысты.