Тәрбие жұмысы жөніндегі әдіскерлерге мемлекеттік рәміздер туралы түсіндірілді

Білім беру ұйымдарында тәрбие жұмысын ұйымдастыру мен сүйемелдеудің тиімділігін арттыру мақсатында «Тәрбие жұмысын ұйымдастыру және сүйемелдеу жөніндегі әдіскерлер қызметінің өзекті мәселелері» тақырыбында әдіскерлерге арналған семинар-кеңес өтті.

Семинар-кеңестің спикерлерінің бірі Солтүстік Қазақстан облысы Ішкі саясат басқармасының қоғамдық-саяси ахуалды талдау және мониторинг бөлімінің басшысы Садырова Г.Д. болды. Ол қатысушыларға мемлекеттік рәміздер, сондай-ақ оларды пайдалану және қолдану тәртібі туралы баяндады.

Семинарға қатысушылар тәжірибе алмасты, тәрбие саясатын іске асырудың практикалық тетіктерін талқылады және алдағы кезеңге арналған басым міндеттерді айқындады.

Осындай іс-шараларды өткізу тәрбие жұмысына бірыңғай көзқарасты нығайтуға, өсіп келе жатқан ұрпақтың азаматтық жауапкершілігін, құқықтық мәдениетін және ұлттық құндылықтарын қалыптастыруға ықпал етеді.